Rosss UNIZINC hillukerfið

Unizink hillukerfið frá ROSSS Ítalíu hefur komið einstaklega vel út.

Kerfið er léttbyggt og auðvelt í uppsetningu, hægt að tengja endalaust saman og til í nokkrum hæðum, breiddum og dýptum.

Sérstaða kerfisins er ný hönnun á tengingu þversláa við uppistöður – en borið hefur á því í sambærilegum léttum kerfum að endarnir skemmast við notkun, eða öllu heldur endurnotkun, og lagfæra þarf þá ef hægt er með tilheyrandi tímaeyðslu.

Endinn á þverslánni í Unizink heldur sér alltaf eins og hann á að vera og þarfnast engra lagfæringa jafnvel þó svo að hilla sé færð eða sett upp í heilmörg skipti.